नीतीश परिस्थिति के मुख्यमंत्री नहि बल्कि 34 कांडक मुजरिम : भाजपा सांसद भोला सिंह - मिथिला दैनिक

Breaking

मंगलवार, 22 नवंबर 2016

नीतीश परिस्थिति के मुख्यमंत्री नहि बल्कि 34 कांडक मुजरिम : भाजपा सांसद भोला सिंह

बेगूसराय। 22 नवम्बर। बेगूसराय केर भाजपा सांसद भोला सिंह बिहार म' बढ़ैत अपराध क' लेल एक बेर फेर सँ नीतीश कुमार क' आड़े हाथ लेलन्हि।  भोला सिंह कहलनि कि नीतीश कुमार परिस्थिति विशेष केर मुख्यमंत्री नहि बल्कि ओ 34 सँ बेसी कांडक मुजरिम छैथ। जे कियो नीतीश क' परिस्थिति विशेष केर मुख्यमंत्री कहैत छैथ ओ गलत छैथ।

भोला सिंह आरोप लगेलन्हि कि महागठबंधन विकास केँ लेल नहि, जानमाल केर  सुरक्षाक लेल नहि, महिला सभक आबरू केर हिफाजतक लेल नहि बल्कि बिहार म' जंगलराज आनबाक लेल बनल अछि। गोलाबारी म' घायल भेल बेगूसराय के व्यवसायी केर परिजन सँ भेट करे पहुँचल सांसद भोला सिंह कहलनि कि आय बिहार म' जंगलराज लौट गेल अछि एहि कारण सँ बिहार के विभन्न जिला म' अपराधि सभक निशाना पर व्यवसायी अछि।