बोनस, एरियर भुगतान सहित कैको मांगक समर्थन म' डाककर्मि सभ धरना देलन्हि - मिथिला दैनिक

Breaking

गुरुवार, 6 अक्तूबर 2016

बोनस, एरियर भुगतान सहित कैको मांगक समर्थन म' डाककर्मि सभ धरना देलन्हि

सहरसा। 06 अक्टूबर। वर्ष 2014-15 आर 2016 केर बोनस आर एरियर भुगतान समेत आन मांगक समर्थन म' कैल्ह बुधवार दिन अखिल भारतीय ग्रामीण डाक सेवक संघ केर आह्वान पर ग्रामीण डाक सेवक सभ  प्रमंडलीय कार्यालय केर समक्ष धरना देलन्हि, आर डाकअधीक्षक केर माध्यम सँ विभाग क' मांग पत्र भेजलन्हि।

धरना क' संबोधित करैत डाककर्मि सभ कहला कि सरकार ग्रामीण डाककर्मि सभक लगातार उपेक्षा क' रहल अछि। पहिने भेल समझौता क' लागू करबा म' सेहो सरकार आनाकानी क' रहल अछि। अगर शीघ्र सँ शीघ्र मांग पर विचार नै कायल गेल तेँ डाक कर्मचारी संघ चरणबद्ध आंदोलन चलेबा परमजबूर होयत। संघ के आंदोलनक अगला चरण म' 14 अक्टूबर क' डाक भवन नई दिल्ली पर धरना के बाद 18 व 19 अक्टूबर क' पूरा देश म' दुइ दिवसीय हड़ताल करबाक घोषणा कायल गेल।

धरना म' सचिव मनोज कुमार यादव, अध्यक्ष भरत मिश्र, अमरेन्द्र कुमार अमर, मो. सत्तार आलम, रामविलाश यादव, उमेश यादव, चंचल कुमार, विजय कुमार, रायगीर यादव, रामनारायण साह, अनिल कुमार, रमेश कुमार ठाकुर, कैलाश चन्द्र, राजेश रानू, अरविन्द कुमार, जवाहर प्रसाद सिंह, उदय चन्द चौधरी, शंकर यादव, संजय कुमार सिंह, सुमीत कुमार, राहुल कुमार, हीरा लाल यादव आदि मौजूद छलाह।