बिहार म' पूर्ण शराबबंदी केँ बाद आब भूत सेहो छोड़लनि शराब - मिथिला दैनिक

Breaking

सोमवार, 10 अक्तूबर 2016

बिहार म' पूर्ण शराबबंदी केँ बाद आब भूत सेहो छोड़लनि शराब

वैशाली। 10 अक्टूबर। वैशाली जिला केर महनार म' दशहरा केर दौरान लोग सभक शरीर सँ भूत-प्रेत भगेबाक खुला खेल होयत अछि, ओना तेँ ई खेल सगर देश म' होयत अछि। हर बरख एहि काज म' ओझा-तांत्रिक भारी मात्रा म' शराब केर इस्तेमाल करैत छलाह। ओझा-तांत्रिक केर अनुसार बिना शराब पीना भूत नै भागैत छैथ। अगर कुनू इंसान केर शरीर म' भूत-प्रेत आबे तेँ ओकरा भगेबाक लेल शराब पीलेनाय जरूरी अछि। एहि काजक लेल  ओझा-तांत्रिक पीड़ितक परिवार सँ शराब मांगी खुद पिबैत छलाह संगहि भूत क' सेहो पियेवाक दावा करैत छलाह।

प्राप्त जानकारी केर अनुसार एहि बरख सेहो इ खेल जारी अछि, मगर आब शराब केर इस्तेमाल नै भ' रहल अछि। ओझा-तांत्रिक जे बिना शराब पियेना भूत नै भागे केर दावा करैत छलाह, आब बगैर शराब केर ओ भूत खेला रहल छैथ आर भूत क शरीर सँ भगा सेहो रहल छैथ।