बिहार म' विश्वविद्यालय, खनिज प्रसंस्करण संयंत्र खोलत वेंदाता समूह केँ अनिल अग्रवाल - मिथिला दैनिक

Breaking

शनिवार, 10 सितंबर 2016

बिहार म' विश्वविद्यालय, खनिज प्रसंस्करण संयंत्र खोलत वेंदाता समूह केँ अनिल अग्रवाल

पटना। 10 सितंबर। मुख्यमंत्री नीतीश कुमार केँ राज्य म' निवेश के आह्वान पर वेदांता रिसोर्सेज के संस्थापक अनिल अग्रवाल कैल्ह शुक्रवार दिन कहला कि ओ अप्पन गृह राज्य बिहार म' एक खनिज प्रसंस्करण संयंत्र आर एक विश्वस्तरीय विश्वविद्यालय शुरू करबाक योजना बना रहल छैथ।

आगा ओ कहला कि अप्पन कॉर्पोरेट सामाजिक उत्तरदायित्व के तहत वेदांता 4,000 'नंद घरक' निर्माण करत जे आंगनवाड़ि के स्थान लेत आर एहि में बेसी बिहार म' होयत। इ गप ओ बिहार चैंबर ऑफ कॉमर्स एंड इंडस्ट्रीज के 90वां  सलाना उत्सव म' कहलनि। आगा ओ कहला कि बिहार म' प्रस्तावित खनिज प्रसंस्करण संयंत्र जस्ता, चांदी आर तांबा के लेल होयत जकर निर्माण केँ लागत 50 करोड़ सँ 500 करोड़ टक्का तक होयत।

आगा ओ नीतीश सरकार के औद्योगिक संवर्धन नीति-2016 के स्वागत करैत कहला कि राज्य केँ मौजूदा कानून-व्यवस्था राज्य म' निवेश करबाक लेल कुनु बाधा नै अछि आर भविष्य म' एहि क' आर मजबूत करि छुटपुट परेशानि सभ केँ दूर कायल जे सकैत अछि। अनिल अग्रवाल  कहला कि राज्य म' एक विश्वस्तरीय विश्वविद्यालय खोलब हुनकर सपना अछि जे ओडिशा के वेदांता विश्वविद्यालय जोका होयत जकरा बिहार के ऑक्सफोर्ड के तौर पर जानल जायत।