शहाबुद्दीन केर जमानत पर रोक लगेबा सँ सुप्रीम कोर्ट केर इंकार - मिथिला दैनिक

Breaking

सोमवार, 19 सितंबर 2016

शहाबुद्दीन केर जमानत पर रोक लगेबा सँ सुप्रीम कोर्ट केर इंकार

दिल्ली। 19 सितंबर। आरजेडी के पूर्व सांसद शहाबुद्दीन केर जमानत पर रोक लगेबा सँ इंकार करैत, सुप्रीम कोर्ट शहाबुद्दीन क' नोटिस जारी केलनि अछि। नोटिस म' शहाबुद्दीन सँ पुछल गेल अछि कि हुनकर जमानत किएक नै रद्द कायल जाए? अगला सुनवाई सोमवार दिन होयत। अपने क' बता दी कि शहाबुद्दीन केर जमानत खारिज करबाक लेल बिहार सरकार सुप्रीम कोर्ट गेल छल। ओतहि दोसर याचिका तीन बेटा गवां चुकल सीवान केँ चंदा बाबूक छल।

दुनु याचिका म' कहल गेल छल कि शहाबुद्दीन क' जेल सँ बाहर रहब ठीक नै अछि। पटना हाई कोर्ट शुहाबुद्दीन क' जमानत देबा म' कैको जरूरी बात सभक ध्यान नै राखलनि। ऐना म' जमानत रद्द करि हुनका फेर सँ जेल भेजल जाय। चंदा बाबू के दुइ बेटा तेजाब कांडक शिकार बनल छल। तेसर  बेटा, जे घटना केँ चश्मदीद गवाह छल, हुनक सेहो हत्या भ' गेल छल। हुनकर हत्या केर आरोप शहाबुद्दीन पर लागल छल। 7 सितंबर के' हाई कोर्ट सँ जमानत भेटलाक बाद शहाबुद्दीन 11 साल बाद जेल सँ बाहर आयल छैथ।