मानवता भेल तार - तार, आठ बरखक बचिया संग दुष्कर्म केँ बाद हत्या - मिथिला दैनिक

Breaking

सोमवार, 8 अगस्त 2016

मानवता भेल तार - तार, आठ बरखक बचिया संग दुष्कर्म केँ बाद हत्या

पूर्णियां। 8 अगस्त। रूपौली थाना क्षेत्र केँ धोबगिद्धा गाम मेँ एक युवक द्वारा  एक आठ बरखक नाबालिग क' पहिने हवस केँ शिकार बनाओल गेल, आर फेर दरिंदगी सँ मासूम केर हत्या क' देल गेल। समाद भेटला पर पुलिस पहुँच केँ शव कब्जा मेँ ल पोस्टमार्टम लेल भेज देलन्हि आर आरोपी केँ गिरफ्तार क' लेलन्हि।

परिजन सभक  मुताबिक, बचिया घरक पाछा सँ तरकारी आने गेल छली।  बहुतो देर बाद जखन ओ घर नै पहुँचलि तँ परिजन सभ चिंतित भ' गेलन्हि    । परिजन सभक खोजलाक बादो बचियाक कुनु पता नै चललैन्ह।

तखने एकाएक सभक नजर बगल केँ खेत म' परल। बचिया बीच खेत म' अचेत अवस्था म' पड़ल छली। बचिया केर गर्दैन आर पूरा देह पर खरोच केर निशान छल। परिजन तुरंत बचिया क' ल अस्पताल पहुँचलन्हि, जाहि ठाम डॉक्टर बचिया केँ मृत घोषित क' देलन्हि।

बचियाक खोजबाक दौरान ग्रामीण आर बचियाक मनिजराक खेत सँ  पड़ोस केर गौरव शहनी क' निकलैत देखलन्हि। गौरव शहनी क' ग्रामीण सभ पकैड़ केँ पुलिस केँ हवाले क' देलन्हि।

एहि मामलाक समाद भेटला पर पहुँचल थानाध्यक्ष शिवशरण साह  घटनास्थल केँ निरीक्षण केलन्हि। घटनास्थल सँ किछ नमूना एकत्रित करि शव क' पोस्टमार्टम लेल भेज देलन्हि। आरोपी सँ पूछताछ कायल जे रहल छैन्ह।