मिथिला राज्य निर्माण आदोलन मेँ शामिल होइथ युवा - राजेश झा - मिथिला दैनिक

Breaking

शनिवार, 20 अगस्त 2016

मिथिला राज्य निर्माण आदोलन मेँ शामिल होइथ युवा - राजेश झा

सहरसा। 20 अगस्त। कैल्ह शुक्रवार दिन मिथिला राज्य निर्माण सेना के राष्ट्रीय महासचिव राजेश झा केँ नेतृत्व म' युवा सभ सँ संपर्क करि मिथिला राज्य निर्माण केँ लेल चैल रहल आन्दोलन मेँ शामिल होयबाक आग्रह केलन्हि। एहि दौरान उक्त सेना केँ सदस्य सभ कहला कि मिथिला केँ समग्र विकासक लेल मिथिला राज्य निर्माण एक मात्र विकल्प अछि।

आगा कहल कि आखिर कहिया धरी मैथिल जनता अपेक्षित होयत रहता। कहिया धरी अप्पन भाई बन्धु सभ केँ रोजी रोजगार के लेल दोसर प्रांत म' जलालत भरल जिन्दगी जीबाक लेल बाध्य हुवे परत। कहिया धरी सरकार द्वारा एहि क्षेत्र केँ उद्योग धंधा केँ प्रति उदासीनता क' सहन करे पड़त।

मिथिला केँ प्रति वर्तमान राजनीतिज्ञ सभक एहि उदासीनता के परिणाम अछि कि मिथिला क्षेत्र  सँ आइआइटी, एम्स जेहेन संस्था क' दूर कायल जे रहल अछि। मिथिला राज्य निर्माण सेना केँ नेतृत्व मेँ आठ आर नौ नवम्बर क' दरभंगा म' होय बला रैली म' बेसी सँ बेसी  अधिक सभ केँ शामिल होयबाक आग्रह केलंहि। एहि दौरान मिथिला राज्य निर्माण सेना केँ संजय झा रिक्थ, सुमन समाज, सुभाष झा आदि शामिल उपस्थित छलाह।