दरभंगा। 02 जनवरी। [प्रणव कुमार चौधरी] मिथिला स्टूडेंट यूनियन अगामी 14 जनवरी 2018 सँ एक क्रिकेट टूर्नामेंटक आयोजन करे जे रहल अछि। ई टूर्नामेंट बिहार केँ क्रिकेटक इतिहास मे पहिल बेर होयत। ऐही टूर्नामेंटक सब मैच दरभंगा, मधुबनी, समस्तीपुर आओर मुजफ्फरपुरक सोलह प्रखंड मे खेलल जायत। जाहि टूर्नामेंट मे मुख्य रूप सँ 64 टीम क' जगह भेटत।
एहि टूर्नामेंटक सेक्रेटरी राकेश चौधरी कहलनि कि वर्तमान मे बिहारक क्रिकेट अप्पन लचर स्तथि सँ गुजैर रहल अछि। यदि बिहार क्रिकेट एसोसिएशनक दिस सँ कोनो टूर्नामेंटक आयोजन कैलो जायत अछि तेँ ओहिमे ग्रामीण स्तरक खेलाड़ी सभकेँ मौका नहि भेट पाबैत अछि। एहि सभकेँ देखैत मिथिला स्टूडेंट्स यूनियन ई पहल केना अछि। यूनियन अप्पन एहि प्रयास सँ ग्रामीण स्तरक खेलाड़ी सभक प्रतिभा क' निखारबाक लेल बिहार क्रिकेट क' एक नवा आयाम पर पहुचेबाक पूर्ण कोशिस क' रहल अछि।
एहि क्रिकेट टूर्नामेंटक आयोजन दरभंगा जिलाक अलीनगर, बेनीपुर घनश्यामपुर, बिरौल आओर लहेरियासराय, मधुबनी जिलाक मधुबनी टाउन, बेनीपट्टी, बाशोपट्टी, बिस्फी हरलाखी, कलुहाइ, पंडौल, समस्तीपुर जिलाक ताजपुर आओर खानपुर, मुजफ्फरपुर जिलाक कटरा ब्लॉक मे होयत।
एहि प्रतियोगिता मे भाग लेबै बला इक्छुक टीम अप्पन नजदीकी ब्लॉक मे 7 जनवरी सँ पहिने रजिस्ट्रेशन करवा सकैत अछि।
 करत क्रिकेट टूर्नामेंटक आयोजन){kind=link}