बिहारक राजनीतिकेँ सभसँ बड़का पलटूराम छथि नीतीश कुमार : लालू प्रसाद यादव

पटना। 01 अगस्त। लालू प्रसाद यादव आए मुख्यमंत्री नीतीश कुमार पर पलटवार करैत हुनका सत्ता का लोभी आओर सभसँ बड़का पलटूराम करार देलनि। लालू यादव कहलनि कि नीतीश कुमार तेजस्वी यादव के नीक जोका काज करबाक तरिका सँ डरा गेलथि आओर बहाना बना भाजपा संग मील गेलथि। आगा ओ कहलनि कि तेजस्वी सिर्फ बहाना छल। तेजस्वी यदि इस्तीफा सेहो द' देतिए तैयो नीतीश भाजपा संगे मिलतिए।

आए एक प्रेस कॉन्फ्रेंस म' आक्रामक तेवर म' नजैर आएब रहल लालू यादव कहलनि कि नीतीश पलटीबाज, पलटूराम छथि। हिनकर एहने  राजनीतिक चरित्र रहल अछि। ई गप सभकियो नीक जोका बुझैत अछि। नीतीश कुमार सभसँ बेसी फुईस बाजै बला नेता छथि। हम हुनका नेता बनेलहुँ। हम हुनका छोट भाई जोका बुझैत छलहुँ। छात्रसंघ चुनाव म' वोट दिएबाक नीतीश के गप सरासर फुईस अछि। हम बहुत लोकप्रिय नेता रही आओर अप्पन दम पर छात्रसंघ चुनाव जितना रही।

गौरतलब अछि कि मुख्यमंत्री नीतीश कुमार कैल्हि सोमदिन एनडीए सरकार के गठन के बाद अप्पन पहिल प्रेस कॉन्फ्रेंस म' लालू प्रसाद पर भ्रष्टाचार के मुद्दा पर जोड़ देना रहथिन।  नीतीश कुमार प्रेस कॉन्फ्रेंस म' कहने रहथिन कि तेजस्वी यादव भ्रष्टाचार के आरोप पर कुनू जवाब नहि देबा चाहैत छथि। आगा ओ कहने रहथिन कि 2019 के लोकसभा चुनाव म' प्रधानमंत्री नरेंद्र मोदी क' हरबै बला कियो नहि छथि।