नहि रहला मटिहानी केर पूर्व विधायक प्रमोद कुमार शर्मा

बेगूसराय। 11 जनवरी।  मटिहानी के पूर्व विधायक आर जीडी काॅलेज के प्राध्यापक रहल जदयू नेता प्रमोद कुमार शर्मा कैल्ह मंगलवार दिन पटना के पारस अस्पताल मे अंतिम सांस लेलन्हि। हुंकार निधन केर खबैर भेटते  पूरा जिला मे शोक पसैर गेल। 

प्रमोद कुमार शर्मा 1980 से 90 तक मटिहानी विधान सभा के विधायक छलाह। हुनकर पार्थिव शरीर केर अंतिम दर्शन लेल बेगूसराय आनल गेलन्हि। आय बुधवार दिन हुनकर अंतिम संस्कार सिमरिया मे होयत।  जिला जदयू अध्यक्ष भूमिपाल राय कहला कि बेगूसराय अप्पन अभिभावक हरा देना अछि। जदयू के पूर्व जिलाध्यक्ष भोलाकांत झा कहला कि हुनकर सहृदयता क' लोग बरखो तक याद करतैन्ह।आर्यभट्ट के निदेशक प्रो. अशोक कुमार सिंह अमर प्रमोद बाबू केर निधन पर गहरा शोक संवेदना व्यक्त केलन्हि अछि।

प्रमोद बाबू के निधन पर मुख्यमंत्री नीतीश कुमार, जदयू के प्रदेश अध्यक्ष वशिष्ठ नारायण सिंह, बिहार विधान सभा अध्यक्ष विजय कुमार चौधरी आर जदयू प्रवक्ता नीरज कुमार समेत अनेको राजनीतिक हस्ति सभ शोक जतौलन्हि।