अपहरण केर धंधा करनिहार सरकारी डॉक्टर गिरफ्तार

भागलपुर। 16 दिसम्बर।  भागलपुर जिला के सुलतानगंज स्थित नाथनगर म' एक सरकारी डॉक्टर क' अपहरण करि फिरौती मांगबाक  आरोप म' गिरफ्तार करबाक मामला प्रकाश म' आयल अछि।

अपहरण करि फिरौती मांगबाक आरोप म' बाथ थाना पुलिस कैल्ह गुरूवार दिन सुलतानगंज के नाथनगर स्थित रेफरल अस्पताल के प्रभारी डॉ अनिल कुमार सिंह क' गिरफ्तार केलन्हि अछि। डॉ सिंह केर गिरफ्तारी बरियारपुर स्थित हुनकर निजी क्लिनिक अंकुर नर्सिंग होम से भेल। 

बाथ थाना पुलिस कहला कि खानपुर निवासी बबीता देवी पति मुकेश मंडल केर अपहरण करि फिरौती मांगबाक आरोप लगबैत डॉ अनिल कुमार सिंह के अलावा विनोद मंडल उर्फ झिंगला मंडल व तीन अज्ञात के खिलाफ मामला दर्ज करेलन्हि। डॉ सिंह पूर्व म' रेफरल अस्पताल सुलतानगंज म' पदस्थापित छलाह।