वर्तमान मेँ महानन्दा, बखरा, कंकई, परमार, कोसी आर आन नदी मेँ बाढ़ि सँ मिथिलाक 12 जिला पूर्णियां, किशनगंज, अररिया, दरभंगा, मधेपुरा, भागलपुर, कटिहार, सहरसा, सुपौल, गोपालगंज, मुजफ्फरपुर आर पूर्वी चम्पारण केर 62 प्रखंडक 2162 गाम केँ 27.50 लाख आबादी प्रभावित भेल अछि।
घाघरा नदी सीवान जिला केँ दरौली आर गंगपुर- सिसवन मेँ, बागमती नदी मुजफ्फरपुर केँ बेनिबाद मेँ, कोसी नदी खगडिया केँ बलतारा मेँ, महानन्दा नदी पूर्णिया केँ ढेंगरा घाट मेँ आर कटिहार जिला केँ झावा मेँ खतराक निशान सँ उपर बही रहल अछि।
बाढ़ि सँ एखन धरी 26 लोगक मृत्यु भेल छैन, जाहि मेँ सुपौल मेँ 8 पूर्णिया मेँ 7 किशनगंज मेँ 5 कटिहार आर मधेपुरा मेँ 2-2 सहरसा आर अररिया मेँ 1-1 लोग शामिल अछि। मिथिला मेँ बाढ़ि सँ लगभग 3.39 लाख हेक्टेयर म' लागल फसल केर क्षति भेल अछि।
बाढ़ि प्रभावित इलाका मेँ राहत आर बचाव काज चलेबाक लेल एनडीआरएफ आर एसडीआरएफ केर तैनाती कायल गेल अछि। एनडीआरएफ केँ एक-एक टीम सुपौल, गोपालगंज, मुजफ्फरपुर , दरभंगा आर पटना के दीदारगंज मेँ संगहि एसडीआरएफ केँ एक-एक टीम खगडिया, सीतामढी, पूर्णियां, भागलुपर, मधुबनी आर मधेपुरा मेँ तैनात कायल गेल अछि।
एहि बिच राज्य केँ उपमुख्यमंत्री तेजस्वी प्रसाद यादव आर जल संसाधन मंत्री राजीव रंजन सिंह उर्फ ललन सिंह सुपौल पहुंच कोसी तटबंध केँ निरीक्षण केलाह आर राहत काज मेँ लागल एजेंसी केँ अभियंता सभ केँ आवश्यक निर्देश देलाह।
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।