मंगल दिन तक समूचा बिहार म' मानसून केर आगमन भ' जायत

पटना। 18 जून। बिहार म' कैलह शुक्रवार दिन सँ मानसून केर आगमन भ' गेल अछि। पांच दिन देरी सँ मानसून सीमांचल के अररिया आर किशनगंज पहुँच गेल अछि। दुनु जिला में मानसून पूरा तरहे आच्छादित भ' गेल अछि।कटिहार, पूर्णिया आर सुपौल जिला म' सेहो मानसून दस्तक द' चुकल अछि। आबै बला मंगल दिन तक मानसून केर  पूरा बिहार  में अएबाक अनुमान अछि। मानसून मध्यम अछि। पांच से छह दिन तक राज्य म' मध्यम बारिश होयबाक अनुमान अछि। गुरुवार दिन हवा केर रफ्तार कम भेलाक कारण मौसम  विभागक अनुमान छल कि मानसून रविवार दिन  तक बिहार पहुंचत। मौसम विज्ञान केंद्र के निदेशक एके सेन के मुताबिक मंगल दिन तक समूचा बिहार म' मानसून  केर आगमन भ' जायत।