जलील मस्तान के वीडियो सामना अएलाक बाद एक नवा विवाद उत्पन्न भ' गेल अछि। नोटबंदी केर विरोध मे आयोजित एक कार्यक्रम के दौरान मंत्रीजी तखन विवाद ठाढ़ क' देलनि जखन ओ ओहिठाम उपस्थित भीड सँ नोटबंदीक फैसला के विरोध करे आओर प्रधानमंत्री नरेंद्र मोदी केर फोटो पर जूते मारे कहलनि।
एक टीवी चैनल पर उक्त वीडियो देखाओल गेलाक बाद आक्रोशित भाजपा के वरिष्ठ नेता सुशील कुमार मोदी कहलनि कि एहि मामला के विधानमंडल के दुनु सदन मे उठबैत उक्त मंत्री के बर्खास्त करबाक मुख्यमंत्री नीतीश कुमार सँ मांग कायल जायत।
एहि मामला पर प्रधानमंत्री नरेंद्र मोदी कहलनि कि किनको विचारधारा केर विरोध भ' सकैत अछि। संविधान कुनु व्यक्ति जे एक राज्य मे एक मंत्री छैथ, हुनका प्रधानमंत्री क' एहिप्रकारे अपमानित करबाक लेल भीड क' उकसेबाक अनुमति नहि दैत अछि।
कांग्रेस के प्रदेश अध्यक्ष आओर राज्य के शिक्षा मंत्री अशोक चौधरी कहलनि कि ओ उक्त वीडियो नहि देखने छैथ मुदा सार्वजनिक जीवन मे भाषा पर नियंत्रण होबाक चाहि।
पाबैन - तिहार
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।