CISF जवान अप्पन सहयोगी पर चलौलन्हि गोली, 4 जवान केर मौत

औरंगाबाद। 12 जनवरी। औरंगाबाद मे एक सीआईएसफ (सेंट्रल इंडस्ट्रियल सिक्यॉरिटी फोर्स) के जवान आय गुरुवार दिन अपनहि सहयोगी पर अंधाधुन गोली चलौलन्हि, जाहि से 4 जवानक मौत भ' गेलन्हि। 

एखन धरी घटना के कारणक कुनु आधिकारिक टिप्पणी नहि कायल गेल अछि। ओनाकि, मीडिया रिपोर्ट केर मुताबिक, जवान छिट्टी नहि भेटबाक कारण सँ नाराज छला। तामस मे ओ अप्पन सर्विस वेपन से गोलि चलाएब शुरू क' देलन्हि। प्राप्त सूचनाक मुताबिक, ओ नबीनगर स्थित एनटीपीसी के पावर स्टेशन पर तैनात छला।

अपने के बता दी ई घटना एहेन समय घटल अछि, जखन बीएसएफ आर सीआरपीएफ केर जवानक विडियो वायरल भ' रहल अछि। विडियो मे सुविधा सभक कमी केर बात कहैत प्रधानमंत्री नरेंद्र मोदी से दखल देबाक मांग कायल गेल अछि। केंद्र सरकार सेहो एहि आरोप सभक लेल गंभीर अछि। सरकार मामला के जांच करबाक आदेश द' देना अछि।

एक टिप्पणी भेजें

0 टिप्पणियाँ