सहरसा : पांच माह सँ चौकीदार सभ क' नै भेटल छैन्ह वेतन

सहरसा। 19 सितंबर। थाना म' कार्यरत चौकीदा सभ क' पिछला पांच माह सँ वेतन नै भेटल छैन्ह जाहि सँ चौकीदार सभक समक्ष भूखमरी केर  स्थिति उत्पन्न भ' गेल छैन्ह। एहि संबंध म' चौकीदार पवन पासवान, गुरूदेव पासवान, दीपनारायण पासवान, सीताराम साह, चुल्हाय कामत सहित आन सभक कहब अछि कि पांच माह सँ वेतन नै भेटलाक कारण घरक अर्थव्यवस्था चरमरा गेल अछि। जाहि कारण बच्चा सभक पढ़ाई, बिमारीक अवस्था म' दबाई आर पाबनि - तिहार सभ किछ प्रभावित भ' रहल अछि। ओतहि गंगा पासवान, साधु पासवान सभक कहब छैन्ह कि चौकीदार सभक वेतन मद केर आवंटन अएलाक बावजूद वेतन भुगतान नै भेला सँ चौकीदार सभ परेशान छैथ।