जानकारी केर मुताबिक उमाशंकर चौधरी केँ पुत्र अमरेंद्र कुमार चौधरी (24) रोसड़ा म' फूफा महेंद्र चौधरी केर श्राद्ध कर्म म' शामिल भ' वापस अप्पन घर मऊ बाजार बाइक सँ आबैत छलाह। बाइक पर हुनकर दुइ बहिन ज्योति कुमारी (21) एवं मोनिका कुमारी (18) सेहो बैसल छलीह।
एहि क्रम म' दलसिंहसराय विद्यापतिनगर सड़क पर केवटा चौक लग विद्यापतिनगर दिस सँ आबैत बिना नंबर केर एक ऑटो बाइक म' सीधी टक्कर मैर देलनि। जाहि सँ बाइक पर सवार दुइ बहिन म' ज्योति कुमारी केर मौत घटना स्थल पर भ' गेलनि। गंभीर रुप सँ घायल बाइक चला रहल अमरेंद्र कुमार चौधरी व हुनकर छोटी बहिन मोनिका कुमारी क' स्थानीय लोगक मदद सँ अनुमंडल अस्पताल पहुचाओल गेल। जता पहुँचते अमरेंद्र कुमार चौधरी दम तोईड़ देलन्हि। गंभीर रूप सँ घायल मोनिका क' अस्पताल प्रशासन इलाज लेल पीएमसीएच रेफर केलनि। जता उपचार केर क्रम म' हुनकर मौत भ' गेलनि।
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।