---------------
भइया के हाथ पर सुत बान्हल बहिना
पंडितजी बान्हथि जजमान के जहिना ।
सौन मास आबय सलौनी के पूनम
राखी पाबनि संग समपन्न झूलन
रक्षाक ताग सँ सजल हाथ दहिना
पंडितजी बान्हथि जजमान के जहिना ।
येन बद्धो बली राजा सब क्यो जानय
दान वेन्द्रो महाबल: सेहो सब मानय
तेनत्वां प्रति बधनां मंत्र छै पुरना
पंडितजी बान्हथि जजमान के जहिना ।
सजल धजल बहिन दाइ हाथ लेने आरती
स्वेता सुनीता जागृति भारती
सब मिलि गाबि रहल गीत संग वन्दना
पंडितजी बान्हथि जजमान के जहिना ।
भाइ बंधु इष्ट मित्र संकल्प लेलनि
बहिनिक रक्षा हेतु वीर रूप धेलनि
मणिकांत मानय जे सुंदर छै विध ना
पंडितजी बान्हथि जजमान के जहिना ।।
मणिकांत झा , दरभंगा
श्रावण पूर्णिमा ।
१८-०८-२०१६ ।
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।