डीएम केर आदेश पर सभ इंटरनेट प्रदाता कंपनि इंटरनेट सेवा बंद क' देना अछि। कैल्ह शुक्रवार दिन एहि मामलाक लेल दिनभरि खूब हंगामा भेल, लोग सभ बाट पर खूब उत्पात मचेलनि। सभ दोकान बंद रहल। पूरा परसा बाजार आर मकेर म' सन्नाटा देखल गेल।
हिंदू संगठन मेँ एहि मामलाक लेल बहुत आक्रोश अछि। सभ हिंदू संगठन द्वारा आय छपरा बंद केँ आह्वान कायल गेल अछि। आय भोरे सँ छपरा केँ नगरपालिका चौक पर बजरंग दल के कार्यकर्ता सभ एकत्रित भ गेलाह। कुनु तरहक अप्रिय धटना नै घटे एहिलेल प्रशासन द्वारा चप्पा - चप्पा पर पुलिस तैनात कायल गेल अछि।
देवी-देवता सभक अश्लील छवि आर वीडियो वायरल करनिहार आरोपी केर पहचान क' लेल गेल अछि। तमसायल लोग सभ मकेर मेँ आरोपी केँ घर क' आईग लगा देलन्हि। आरोपी घर मेँ ताला लगा परिवारक साथ फरार अछि।
दुइ दिन पहिने परसा थाना क्षेत्र केँ बलहा गांव निवासी युवकक मोबाइल पर देवी-देवता सभक अश्लील छवि आर वीडियो दोसर युवक द्वारा भेजल गेल छल। युवक अप्पन संगी - साथी संग मिल भेजनिहार युवक केर पहचान करि परसा व मकेर थाना म' शिकायत केलाह।
शिकायत केलाक दुइ दिन धरी प्रशासन द्वारा कुनु डेग नै उठबैर देख युवक सभ एकर जानकारी स्थानीय लोग सभ केँ देलन्हि। ऐहिक बाद बबाल शुरू भ' गेल। करीब एक दर्जन जगह पर आगजनी करि यातायात बाधित करि प्रशासन केर खिलाफ नारेबाजी कायल गेल।
साँझ तक घटनास्थल पर एसटीएफ के जवान कैंप लगेना छल। मुजफ्फरपुर केँ आइजी सुनील कुमार व सारण क्षेत्र केँ डीआइजी अजीत कुमार सेहो मकेर पहुंच गेलाह। मकेर केँ बाद परसा, भेल्दी व सोनहों म' बवाल देखि सभ अधिकारी परसा पहुंचला।
सोनहों म' स्थिति पर नियंत्रण करबाक लेल पुलिस द्वारा लाठी चार्ज कायल गेल। मकेरक आसपास केँ इलाके म' तनाव व्याप्त अछि। पूरा इलाका पुलिस छावनी बनल अछि। मकेर सँ ल' केँ गड़खा तक एसटीएफ व एसएसबी केर जवानक संगे संग बिहार पुलिस फ्लैग मार्च क' रहल अछि।
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।