देश आजादिक सेनानी के शत शत करी नमन.

शत शत नमन
~~~~~~~~~

देश आजादिक सेनानी के शत शत करी नमन
हुनकहि कुर्वानी पर आइ सबटा रमन चमन ।
फाँसी चढ़िकय वीर भगत सिंह शहीदक छथि निशान
चंद्रशेखर आजाद पूजै छी बुझि हुनक बलिदान।
गाँधी के लाठी मे छै अखनो  कतेक चमक
नेताजी दय देने रहथि ताही दिन धमक
पूत हजारो भारत माँ पर जान केलनि कुर्वान
देश आजादिक सेनानी के शत शत करी नमन
जलियावाला बाग मचल छल जाहि दिन कोहराम
एहि लोक पर की गुजरल से जानथि सीता राम
फाँर बान्हिकय अड़ल रहला रहीमक संगे राम
ताही बल पर अखनो देशक सब आबाम
देशक आजादीक सेनानी के शत शत करी नमन ।।
        - मणिकांत झा, दरभंगा
             १४अगस्त २०१६