माए

कोना कए बिसरबै माए

अहाँक सिनेह ओ

आँचर तर अहाँक बसलहुँ

पिलहुँ ममताक नीर ओ

हम सुती सुखलमे

आ अहाँ तीतलमे

अपने भूखे सुति कए माए

पोसलहुँ हमरा घीमे

रौद पानि अपने सहलहुँ

हमरापर नहि आएल आँच

हम सुती राति राति भरि

अहाँक रहेए निन्न काँच

नव नव कपड़ा पएलहुँ

हम, सब पावनि तिहारमे

एक जोड़ साड़ीमे माए

अहाँक जीवन बीतल बिचारमे

सब शिक्षा सब दीक्षा

अहाँ हाथे अप्पन देलहुँ

सुख छोरि हमरा लेल

दुख सबटा अहाँ लेलहुँ

हे माए आइ धरि  

अहाँक एतेक सिनेह

छोरि अहाँ लग

दोसर कतौ नहि पेलहुँ                       

*****

जगदानन्द झा 'मनु'