आगिक चपेट मे अएला से 2 बच्चा संग महिला केर मौत

मधेपुरा। 18 जनवरी। मधेपुरा जिला के आलमनगर मे कैल्ह मंगलवार भोर आगजनी केर घटना मे माँ ​समेत दुई बच्चाक झरकी के मौत भ' गेलन्हि। उदाकिशुनगंज के बुधमा ओपी क्षेत्र के शाहजादपुर पंचायतक लुखीटोला वार्ड 11 मे कैल्ह मंगलवार प्राते 4 बजे के करीब विभीषण मंडल के टाटीक घर मे आईग लागि गेल छल। ओहि समय घर मे कियो पुरूख मौजूद नहि छला। ग्रामीण सभ आगि पर कहुना काबू पेलन्हि मुदा घर के भीतर सुतल तीनो के बचेबा मे सभ असफल रहला। 

एहि घटना मे विभीषण मंडल केर पत्नी मन्नी देवी (35), पुत्र हीरा कुमार (07) आर पुत्री सुनिता कुमारी (04) के जिंदा जलि के मौत भ' गेलन्हि। ग्रामीण सभ बतौलन्हि कि मृतक महिला केर पति विभीषण मंडल 2 मास  पहिने मजदूरी करबाक लेल गुजरात गेल छलैन्ह आर सास ससुर 10 जनवरी के सागर तीर्थ पर गेल छलैन्ह। 

एक टिप्पणी भेजें

0 टिप्पणियाँ