चौमासा
~~~~~~अषाढ़ हे सखी मेघ गरजय
वर्षा झहरय जोड़ हे
कंत मोरा भेल विदेशिया
लागि रहल बर डर हे ।
सौन हे सखी पछबा सिहकल
घन घटा घनघोर हे
मयुर नाचय मेघ देखितहि
चारूभर भेल शोर हे ।
भादव हे सखी ठनका ठनकय
बिजली चमकय चहुओर हे
मदन मन तन विरह वेदन
टूटय पोरे पोर हे ।
आसिन हे सखी आश राखल
औता पिया आब मोर हे
भेल कोजगरा चान पूनम
चकोर मणि गठजोर हे ।।
- मणिकांत झा दरभंगा
एक टिप्पणी भेजें
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।