बता दी जे ओ सब छोटकन केर बाबू के सराध'क भोजक समीक्षा करवाक ले उपस्थि भेल छथिन ! आ कहब जे ओ सब ओना अपनहि मोन संऽ आयल छथि सेहो नहि , रमफलवा सब कैंऽ भोरे - भोर एहि लेल आमंत्रन दय आयल छलैक !
रघूनाथ बाबू :- छोटकन तोहर कि इच्छा छऽ से निधोक भऽ बाजऽ तोरा जतेक ओकादि हुअ ओहि हिसाब संऽ - - - -!
छोटकन :- हम पैंतालिस घर पूरा आ साठि घर मे टिप - टापि कऽ करब आ उत्तरवाई टोल मे जे हित अपेक्षित हुनका लय कऽ करब !
सुभंकर बाबू :- बेस तखन तऽ छोटकन केर गप सब बुझिए गेल हेबैक ? आब हमर गप जॉउ मानथि तऽ हम कहबैन हिनका साठि घर मे पाँचे - दस घर छूटि जेतैन ओकरा लऽ लैथ ! क यउ किछु बेजाय कहलिएन कि ?
छोटकन :- ठीक छैइक !
ताहि पर बलदेव बाबू अपना बात पर वल दैइत बजलाह हउ जी तखन उत्तरवाई टोल किआक छोड़ि देतैक हम कहबैन जे ओकरहु समेट लौथ तखन अप्पन जहने इच्छा होन्हि !
छोटकन :- चलू ठीक छैइक !
चतूरानंद बाबू :- ऐंऽ हउ जखन एतेक करिते छऽ तखन हम कहबऽ जे सउजनियां किआक ने कऽ लेबऽ से कने कऽ तऽ ?
छोटकनक मोन कने झूलसि गेलय एहि बेर !
कि बौकु बाबू बाजि उठला तों चिन्ता किआक करैत छऽ पाय - कउरी'क खगता जे हुऽ से तों जगदीश बाबू संऽ लऽ सकैत छऽ ?
कि जगदीश बाबू बोगली मे हाथ दइत :- तोरा कतेक पाय केर खगता छऽ से बाजह ? पाय'क कारण ककरहु काज रुकल रहतैक कि जाधारि हम रह जिव !
आब तऽ बुझिते हेबैक कोन चक्रब्यूह रचल गेलय से ! हिनाका लोकनिक सम्पूर्ण गाम मे इहए प्रस्ताव रहैत छैन ! सम्पूर्ण गामक लोक हिनके सब सनक स्वार्थि केर बजबैत अछि बैसार मे !
वी०सी०झा"बमबम"
कैथिनियाँ
 - वी०सी०झा"बमबम"){kind=link}
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।