सहरसा। 27 सितम्बर। कैल्हि मंगल दिन रेल सुरक्षा बल क' ट्रेन स' लावारिश हालत म' 96 बोतल अंग्रेजी शराब बरामद करबा म' सफलता भेटल। दशहरा पाबनि ल'क' ट्रेन सभ म' चैल रहल सुरक्षा जांच केर दौरान सहरसा स्टेशन पहुंचल पूजा स्पेशल ट्रेन स' रेल सुरक्षा बल के जवान सभके लावारिश हालत म' एक बैगक तलाशी के दौरान शराब जब्त भेल।
आरपीएफ इंस्पेक्टर अर्जुन कुमार यादव कहलनि कि आनंद विहार स' सहरसा आयल 44024 पूजा स्पेशल ट्रेन के सामान्य कोच म' एक बैग लावारिश हालत म' भेटल। ट्रेन रुकबाक बाद सब उतैर गेल मुदा बैग बोगी म' पड़ल रहल जाहिसँ 96 बोतल शराब बरामद कायल गेल। जब्त कायल गेल शराब डबल ब्लू आओर इपीसोड नामक ब्रांड अछि। 180 एमएल के जब्त शराबक दाम खुला बाजार म' करीब 50 हजार अछि। सभ शराब हरियाणा निर्मित बताओल जे रहल अछि।
पाबैन - तिहार
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।