बाबा चौहरमल जयंतीमे पहुँचल रामविलास पासवान आओर उपमुख्यमंत्री सुशील मोदीकेँ भीड़ देखौलनि कारी झंडा - मिथिला दैनिक

Breaking

रविवार, 1 अप्रैल 2018

बाबा चौहरमल जयंतीमे पहुँचल रामविलास पासवान आओर उपमुख्यमंत्री सुशील मोदीकेँ भीड़ देखौलनि कारी झंडा

पटना, मोकामा : बिहारकेँ मोकामामे बाबा चौहरमल जीक जयंती समारोह मनाओल गेल। अहि समारोहमे भाग लेबाक वास्ते केंद्रीय मंत्री रामविलास पासवान आ बिहारकेँ उपमुख्यमंत्री सुशील मोदी सेहो आयल छलाह। समारोहमे उपस्थित भीड़ अहि दुनू नेता केर जमिकय विरोध कएलनि संगहि कारी झंडा सेहो देखेलाह। 

मीडिया खबैरक अनुसार मोकामामे भेल अहि समारोहमे जुटल भीड़ जखन केंद्रीय मंत्री रामविलास पासवान आ उपमुख्यमंत्री सुशील मोदी एलाह तखन हिनक खूब जमिकय विरोधमे नारा लगौलक, कारी झंडा मंच पर फेकल सेहो गेल। अहितरहक कृत्यकेँ SC/ST एक्टमे सुधार करबाक विरोधसँ जोरिकय देखल जा रहल अछि। 

जनतब हो जे अहि घटना पर तेजस्वी यादव ट्वीट कए कहलनि   जे अहि निंदनीय घटना पर रामविलास जी केर आत्मचिंतन करैक चाहियैन्ह संगहि इहो कहलनि जे आरएसएस आओर मोदी जीक दबावमे दलित केर मुद्दा पर रामविलास जी चुप्पी कियैक साधि लैत छथि.?

बता दी जे केंद्रीय मंत्री रामविलास पासवान आ डिप्टी सीएम सुशील मोदी एकटा कार्यक्रममे भाग लेबाक वास्ते चारडीह पहुँचल छलाह। रामविलास पासवान मंचहिं सँ लोकक विरोधके शांत करौलनि। रामविलास कहलनि जे गरीब आओर पिछड़ल वर्गक संग कउनो हालतमे अन्याय नहि होमए देब।