सहरसा : अधिकारी सभकेँ मुंह दुसि रहल अछि मुख्यालय केँ जर्जर सड़क - मिथिला दैनिक

Breaking

शुक्रवार, 9 फ़रवरी 2018

सहरसा : अधिकारी सभकेँ मुंह दुसि रहल अछि मुख्यालय केँ जर्जर सड़क

सहरसा। 09 फरवरी। शहर केँ मुख्य सड़क कचहरी ढाला सँ कोसी प्रोजेक्ट होयत पंचवटी दिस जाय बला सड़क पर पैदल चलब सेहो मुश्किल होयत अछि। सड़क पर बड़का - बड़का गड्ढा व ईंटाक टुकड़ा पर चलै बला कैको लोग ठोकर खा चोटिल भ' जायत अछि। सड़क निर्माणक लेल कैको बेर धरना-प्रदर्शन सेहो कायल जे चुकल अछि मुदा सड़कक निर्माण काज आय धरी शुरू नहि कराओल गेल अछि।

बरसातक दिन मे सड़क पर चलनिहार सभकेँ बहुत दिक्कत होयत अछि। सड़क पर गड्ढा केँ बीच बरसातक पैन जमा भ' गेलाक बाद आवागमन केर स्थिति आओर भयावह भ' जायत अछि। लगभग आठ बरख सँ एहि सड़कक मरम्मत नहि भेल अछि। स्थानीय लोग सभक मुताबिक ग्रामीण कार्य विभाग द्वारा सड़कक निर्माण करबाओल गेल छल। ऐहिक बाद एहि सड़क केँ पथ निर्माण विभाग केँ सौंप देल गेल। सड़क जर्जर भेला सँ रिक्शा चालक सेहो एता सँ नहि गुजरैत अछि।

कचहरी चौक सँ बम्फर चौक होयत पंचवटी चौक सड़क केँ  नगर परिषद द्वारा पथ निर्माण विभाग केँ सौप देबाक बाद जिला पथ निर्माण विभाग सड़कक निर्माण व देखरेख लेल विभाग केँ संभाव्यता प्रतिवेदन भेजल गेल अछि। लगभग 5490 फीट नमहर एहि सड़कक प्रतिवेदन पटना स्थित पथ निर्माण विभाग लग लंबित रहला सँ एहि सड़कक निर्माण काज शुरू नहि भ' पाएब रहल अछि।