चारा घोटाला केँ तेसर मामला मे लालू यादव आओर जगन्नाथ मिश्रा केँ पांच-पांच बरखक सजा - मिथिला दैनिक

Breaking

बुधवार, 24 जनवरी 2018

चारा घोटाला केँ तेसर मामला मे लालू यादव आओर जगन्नाथ मिश्रा केँ पांच-पांच बरखक सजा

रांची। 24 जनवरी। राष्ट्रीय जनता दल (आरजेडी) सुप्रीमो लालू प्रसाद यादव आओर बिहारक पूर्व मुख्यमंत्री जगन्नाथ मिश्रा केँ चारा घोटाला सँ जुड़ल चाईबासा कोषागार गबन मामला मे सीबीआई केर विशेष अदालत दोषी करार दैत पांच-पांच बरखक जेलक सजा सुनेना अछि। कोर्ट लालू यादव पर 10 लाख आओर जगन्नाथ मिश्रा पर पांच लाख टाकाक जुर्माना सेहो  लगेना अछि। कोर्टक एहि फैसला सँ लालू यादव कें बड़का झटका लागल अछि।

अपने क' बता दी कि रांचीक जेल मे बंद लालू यादव केँ अब हाई कोर्ट सँ जमानत लेबा मेँ बहुत मुश्किल होयत। अदालत तत्कालीन मंत्री विद्या प्रसाद केँ तीन बरखक सजा सुनेना अछि। चारा घोटालक ई तेसर मामला अछि। चाईबासा कोषागार गबन केँ एहि मामला मे कोर्ट 56 आरोपि मे 50 क' दोषी ठहरौलनि अछि। 

एम्हर, लालू यादव केँ दोषी ठहरेबाक बाद लालू यादव केँ बेटा आओर बिहारक पूर्व डेप्युटी उप मुख्यमंत्री तेजस्वी यादव कहलनि कि बिहारक एक-एक आदमी जानैत अछि कि लालूजी केँ एहि मुकदमा मे फंसाओल गेल अछि। बीजेपी आओर नीतीश कुमार लालूजी केँ फंसेबा मे लागल छथि। हुनका सभक बस एकही टारगेट अच्छी कि कुन तरहे लालूजी केँ फंसाओल जाए। बिहारक विकासक बजाय ई सभ लालूजी केन दबेबा मे लागल छथि। ऐहिक लेल जनता सभमे बहुत तामस अछि, मुदा अदालतक फैसला अछि आओर हम सभ ऐहिक सम्मान करैत छी। हम सभ हाई कोर्ट मे अपील करब।