राजधानी पटना लग स्थित फतुहा मे नाह डूबला सँ 5 गोटाक मौत - मिथिला दैनिक

Breaking

बुधवार, 31 जनवरी 2018

राजधानी पटना लग स्थित फतुहा मे नाह डूबला सँ 5 गोटाक मौत

पटना। 31 जनवरी। राजधानी पटना लग स्थित फतुहा मे नाह डूबला सँ 5 लोगक मौत केर खबैर अछि। किछु आन लापता लोगक तलाश जारी हैं। मौका पर पहुँचल बचाव दल राहत काज मे जुटल अछि। प्राप्त खबैर केर मुताबिक नाह पर करीब 15 लोग सवार छल। क्षमता सँ बेसी भार होयबाक करण नाहक संतुलन बिगैड़ गेल आओर ओ गंगा नदी मे समा गेल।

एहि हादसाक बाद 6 लोग हेलैत कोनो तरहे बाहर निकलल आ खुद केँ बचेबा मे कामयाब रहल। घटनाक सूचना भेटते पुलिस आओर प्रशासनिक अधिकारी सेहो बचाव दल संग घटना स्थल पर पहुंचल। स्थानीय निवासी सभ सेहो बचाव काज मे भिड़ल अछि। बिहार सरकार द्वारा मृतक सभक परिजन केँ 4 - 4 लाख टाकाक मुआवजा देबाक घोषणा कायल गेल अछि।