मधुबनी : एक बड़का लुटेरा गैंग केर खुलासा, 6 मोटरसाइकिल संग 9 लुटेरा गिरफ्तार - मिथिला दैनिक

Breaking

शुक्रवार, 8 दिसंबर 2017

मधुबनी : एक बड़का लुटेरा गैंग केर खुलासा, 6 मोटरसाइकिल संग 9 लुटेरा गिरफ्तार

मधुबनी। 08 दिसम्बर। [प्रणव कुमार चौधरी] जिला पुलिस क' कैल्हि गुरु दिन एक बड़का सफलता भेटल। लूटपाट करैय बला एक बड़का गैंग केँ खुलासा करैत मधुबनी पुलिस कैल्हि नौ गोट लुटेरा क' गिरफ्तार केलक। लुटेरा लग सँ पुलिस चोरी के छह गोट मोटरसाइकिल सेहो बरामद केलनि अछि।

ऐही घटनाक बारे मे सएपी दीपक बरनवाल मीडिया सँ बात करैत कहलनि कि ई गैंग दरभंगा, मधुबनी आओर सुपौल जिला मे शक्रिय छल। लुटेरा गैंगक सदस्य चोरी आओर लूटपाट केँ गाड़ी क' नेपाल केर इलाका मे पांच सँ दस हजार टाका मे बेचैत छल। 

सएपी दीपक बरनवाल आगा कहलनि कि ई गैंग अगबे 2017 मे 150 सँ बेसी मोटरसाइकिल लूटने छल। गैंग केर सदस्य सभ पहिने गाड़ी पर  निशाना बनबैत छल, फेर रेकी करैत छल आओर मौका भेटते मास्टर चाभी सँ मोटरसाइकिल खोएल फरार भ' जायत छल। फिलहाल, पुलिस ऐहिके बड़का कामयाबी मानैत चोरी आओर लूटक घटना पर अंकुश लगेबाक बात कही रहल अछि।