शरद यादव क' झटका, नीतीश कुमार लग रहत 'तीर' - मिथिला दैनिक

Breaking

शुक्रवार, 17 नवंबर 2017

शरद यादव क' झटका, नीतीश कुमार लग रहत 'तीर'

पटना। 17 नवम्बर। चुनाव आयोग द्वारा जनता दल यूनाइटेड (जेडीयू) केर चुनाव चिह्न बला मामला सुलझाबैत नीतीश कुमार केर नेतृत्व बला जेडीयू क' चुनाव चिह्न 'तीर' देबाक फैसला कायल गेल। ऐहिक संग चुनाव आयोग द्वारा छोटू भाई अमरसंग वसावा केर अप्पन ग्रुप क' असल जेडीयू बतबै बला याचिका क' सेहो खारिज कायल गेल। चुनाव आयोग इयो कहने अछि कि नीतीश कुमार लग विधायक सभक नीक समर्थन अछि। चुनाव आयोग केर एहि फैसला सँ शरद यादव खेमा क' बड़का झटका लागल अछि। 

अपने क' बता दी कि महागठबंधन टुटबाक बाद सँ दुनू खेमा केर बीच चुनाव चिह्न ल'के विवाद छल। एहिसँ पहिने जेडीयू के नीतीश कुमार बला खेमा सोम दिन चुनाव आयोग सँ मिल पार्टी केर चुनाव चिह्न पर जल्द फैसला लेबाक मांग केना छल। शरद यादव गुट सेहो पार्टी केर चुनाव चिह्न 'तीर' पर अप्पन दावा करैत छल। नीतीश खेमा केर आरोप छल कि शरद गुट एहि फैसला केँ लटकाबे चाहैत छल ताकि गुजरात विधानसभा चुनाव मे पार्टी केर निशानक उपयोग नहि कायल जे सके। 

ऐहिक सभ मुख्यमंत्री नीतीश कुमार केर नेतृत्व मे आब जेडीयू गुजरात विधानसभा चुनाव मे अप्पन चारि - पांच परंपरागत सीट पर चुनाव लड़त। ऐहिक बारे मे जेडीयू प्रवक्ता केसी त्यागी कहलनि कि पार्टी के राज्यसभा सदस्य सभके छोएर जेडीयू के सभ विधायक आओर सांसद नीतीश कुमार केर समर्थन केना छल आओर एहि संबंध मे चुनाव आयोग मे शपथपत्र सेहो देल गेल छल।