5 नवम्बर क' दिल्ली म' मैथिल वर - वधू परिचय सम्मेलन होमे जे रहल अछि - मिथिला दैनिक

Breaking

सोमवार, 30 अक्तूबर 2017

5 नवम्बर क' दिल्ली म' मैथिल वर - वधू परिचय सम्मेलन होमे जे रहल अछि

नई दिल्ली। 30 अक्टूवर। [मिहिर कुमार झा "बेला"] आजुक भाग - दौड़ भरल जिनगी म' वर के लेल योग्य बधू आ वधू के लेल योग्य वर हेरब आसान काज नहि अछि। एहि सभ परिस्थिति क' देखैत "मैथिल समन्वय समिति" द्वारा लोग सभक अपेक्षा क' ध्यान म' राखैत पछिला बरख मुंबई म' मैथिल वर वधू परिचय सम्मेलन के सफल आयोजन कायल गेल छल। मैथिल समन्वय समिति के संरक्षक शिक्षाविद ड़ॉ. संदीप झा केर नेतृत्व म' मैथिल सभक हित क' ध्यान म' राखैत एहि प्रकारक सम्मेलन देश केर विभिन्न महानगर आओर मिथिला क्षेत्र सभमे करबाक विचार अत्यंत प्रशंसनीय अछि। 

समिति केँ अध्यक्ष प्रेमचंद्र झा, उपाध्यक्ष जय माधव झा, संयोजक पंकज झा एवं तमाम कार्यकर्ता सभक अथक प्रयास सँ आय मैथिल वृन्द एहि प्रकारक सुविधा के लाभ ल' रहल छथि। देशक सभ भाग सँ मैथिल वर वधू केर परिचय (बायोडेटा) संकलन कायल जे रहल अछि। जाहिकलेल देश भरी म' पसरल समाजसेवी संगठन सभक सहयोग समिति क' भेट रहल अछि। पछिला बरखक भांति एहि बरख "वर वधू परिचय सम्मेलन" आगामी 5 नवम्बर क' नई दिल्ली स्थित ऑडिटोरियम म' होमे जे रहल अछि। जाहिमे मिथिला समेत देश भरिक मैथिलक समागम होयत। 

"मैथिल समन्वय समिति" एहि सम्मेलन म' मिथिला क्षेत्र के सभ लोकनिक सहभागिताक विनम्र अपेक्षा राखैत उपस्थिति हेतु सादर आमंत्रित करैत छथि।