जयनगर स' उधना (गुजरात) के बीच नवा ट्रेन 'अंत्योदय एक्सप्रेस' केर परिचालनक उद्घाटन भेल - मिथिला दैनिक

Breaking

सोमवार, 9 अक्तूबर 2017

जयनगर स' उधना (गुजरात) के बीच नवा ट्रेन 'अंत्योदय एक्सप्रेस' केर परिचालनक उद्घाटन भेल

दरभंगा। 09 अक्टूबर।[प्रणव कुमार चौधरी] यात्री सभक सुविधा क' देखैत जयनगर स' उधना (गुजरात) के बीच नवा ट्रेन 'अंत्योदय एक्सप्रेस' केर परिचालनक कैल्हि रवि दिन उधना (गुजरात) म' उद्घाटन कायल गेल। एहि ट्रेनक नियमित परिचालन 13 अक्टूबर स' हरेक शुक्र दिन जयनगर सँ आओर 15 अक्टूबर स' हरेक रवि दिन क' उधना (गुजरात) सँ कायल जायत। 

एहि बाबत पूर्व मध्य रेल के मुख्य जन संपर्क अधिकारी राजेश कुमार कहलनि कि 15563 जयनगर उधना अंत्योदय एक्सप्रेस पूरा तरहे अनारक्षित सुपरफास्ट ट्रेन अछि। एहि म' आरामदेह सीट आओर समान रखबाक लेल रैक के अलग सँ व्यवस्था कायल गेल अछि। ऐहिक अलावा यात्री सभक लेल पीबै बला पैनक मशीन, मोबाइल चार्जिग प्वाइंट, आधुनिक शौचालय एवं एलइडी लाइट केर व्यवस्था एहि ट्रेन म' कायल गेल अछि। 

15563 'अंत्योदय एक्सप्रेस' शुक्र दिन जयनगर स' 1.20 बजे खुजलाक बाद 11 बजे पटना जंक्शन, 13.40 बजे मुगलसराय रुकैत शनि दिन 13.00 बजे उधना पहुँचत। वापसी म' ई ट्रेन रवि दिन उधना स' 08.50 बजे खुजत आओर सोम दिन 15.00 बजे पटना जंक्शन होयत 22.40 बजे जयनगर पहुंचत।