नीतीश कुमार सँ अपमानक बदला लेबाक लेल लालू पुत्र तिलक लगा बिहार दौरा पर निकलला - मिथिला दैनिक

Breaking

मंगलवार, 8 अगस्त 2017

नीतीश कुमार सँ अपमानक बदला लेबाक लेल लालू पुत्र तिलक लगा बिहार दौरा पर निकलला

पटना। 08 अगस्त। नीतीश सँ लड़बाक लेल लालू प्रसाद यादव एहि बेर अप्पन दुनू बेटा क' मैदान म' उतारने छथि। बिना लालू के तेजस्वी व तेजप्रताप एहि बेर बिहार दौरा करता।

दरअसल, नौ अगस्त क' चंपारण के धरती सँ तेजस्वी यादव नीतीश केर खिलाफ जनादेश अपमान यात्रा केर शुरुआत करता। एहिसँ पहिने पटना आवास पर आयोजित कार्यक्रम म' आए राबड़ी देवी अप्पन दुनू बेटा क'  तिलक लगौलनि। ऐहिक बाद तेजस्वी-तेजप्रताप दुनू अप्पन माँ के पैर छुबि आर्शीवाद लेलनि। 

एहि अवसर पर लालू यादव कहलनि कि तेजप्रताप आओर तेजस्वी यादव के माता जी राबड़ी देवी अप्पन दुनू बेटा क' रणक्षेत्र म' भेज रहल छथि। ई सभ सांप्रदायिक ताकत व एतुका 'रणछोड़' (नीतीश कुमार) सँ लड़ाई लड़ता। लालू यादव कहलनि कि दुनू विजयी भ'क' लौटता।

लालू यादव कहलनि कि अप्पन दुनू बच्चा क' जनता के बीच भेज रहल छी। एहेन पहली बेर भ' रहल अछि जखन तेजस्वी व तेजप्रताप बिना पिता के कुनू राजनीतिक आंदोलन केर अगुवाई करता। एहि दौरान दुनू पूरा बिहार के भ्रमण करता। संगहि 27 अगस्त क' होमै बला रैली लेल लोग सभके आमंत्रित करता।