समस्तीपुर : कॉपी नहि आनबा पर 10 बरखक नेनाकेँ बेरहमी सँ पिटाई, पुलिस कार्रवाई शुरू - मिथिला दैनिक

Breaking

शनिवार, 8 जुलाई 2017

समस्तीपुर : कॉपी नहि आनबा पर 10 बरखक नेनाकेँ बेरहमी सँ पिटाई, पुलिस कार्रवाई शुरू

समस्तीपुर। 08 जुलाई। एक शिक्षक द्वारा दस बरखक नेका क' बेरहमी सँ पिटबाक मामला सामना आएल अछि। मामला मुफ्फसिल थाना क्षेत्रक कोरबद्धा गाम के अछि, जता एक निजी विद्यालय केँ शिक्षक अरविंद कुमार एक छात्रक बेरहमी सँ पिटाई क' देलनि। गंभीर रूपसँ घायल छात्र क' इलाजक लेल सदर अस्पताल ल' जाएल गेल। 

पीड़ित छात्र हरदेव कुमर बतौलनि कि ओ स्कूल म' दू विषय केँ कॉपी ल' गेनाय बिसैर गेल छल। जाहिक कारण शिक्षक हुनकर पिटाई क' देलनि।  पीड़ित छात्र केँ पिता रमेश भगत कहलनि कि जखन हरदेव स्कूल स' वापस अएबाक बाद कपड़ा बदलैत छल तखन हुनकर नजैर हरदेव के देह पर पड़ल जाहिके देखि ओ सन्न रही गेला।

पीड़ित छात्र केँ पिता रमेश महतो ऐहिक शिकायत मुफ्फसिल थाना म' केलनि। रमेश आरोपी शिक्षक के खिलाफ एक आवेदन देलनि आओर पुलिस प्रशासन सँ कड़ा कार्रवाई के मांग कएलनि। पुलिस मामला क' गंभीरता सँ लैत कार्रवाई शुरू क' देलनि।