0

पटना। 26 जुलाई। राजधानी पटना के दोसर सभसँ पैघ अस्पताल इंदिरा  गाँधी आयुर्विज्ञान संस्थान (IGIMS) म' मानवता क' शर्मसार करै बला मामला म' अस्पताल के अपर चिकित्सा अधीक्षक संजय कुमार क' निलंबित क' देल गेल अछि। मामला अस्पताल म' भर्ती एक बच्चा के शव क' पिता द्वारा कन्हा पर ल' जेबा सँ संबंधित अछि। बच्चा कैंसर सँ पीड़ित छल आओर हुनकर इलाज मुख्यमंत्री राहत कोष सँ चलैत छल। 

बताओल जे रहल अछि कि इलाज के दौरान जखन बच्चा के मौत भ' गेलनि तेँ ओता के कर्मचारी सभ एंबुलेंस उपलब्ध करेबाक बदला उल्टे बेड छोड़बाक दवाब बनबे लागलनि। बच्चा के परिजन सभ बच्चा क' कन्हा पर उठा ल' गेलनि। एहि घटनाक खबैर मीडिया म' अएबाक बाद अस्पताल प्रबंधन हरकत म' आबि अस्पताल के निदेशक एन आर विश्वास मामला म' कार्रवाई करबाक बात कहलनि। प्राप्त जानकारी केर मुताबिक बच्चा पछिला कैको दिन सँ अस्पताल म' भर्ती छलाह आओर ओ कैंसर सँ पीड़ित छलाह। 

मिथिला दैनिक क' समाचार ईमेल द्वारा प्राप्त करि :

Delivered by Mithila Dainik

मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।

 
#zbwid-2f8a1035