राम मंदिर लेल ख़ुशी - ख़ुशी जेल जेबाक लेल तैयार छी : विनय कटियार - मिथिला दैनिक

Breaking

गुरुवार, 20 अप्रैल 2017

राम मंदिर लेल ख़ुशी - ख़ुशी जेल जेबाक लेल तैयार छी : विनय कटियार

नई दिल्ली। 20 अप्रैल। बाबरी विध्वंस मामलामे सुप्रीम कोर्टक फैसला अएलाक बाद बीजेपी के फायर ब्रांड नेता आओर राज्यसभा सांसद विनय कटियार कहलनि कि एहि केसमे जेल जेबा पर तैयो राम मंदिरक निर्माण नहि रुकत। जल्दे राम मंदिर केर निर्माणक राह निकैल जाएत।

सीबीआई पर सवाल उठबैत कटियार कहलनि कि बाबरी विध्वंस मे कुनु साजिश नहि रचल गेल छल। ई पूरा तरहे फुइस अछि, ऐहिक लेल खुद सीबीआई जिम्मेदार अछि। बीजेपी नेता कटियार कहलनि कि सीबीआई केँ कोशिश छल कि सुप्रीम कोर्ट मे अपराधिक आओर साजिश रचबाक केस चले, जाहिमे ओ पूरा तरहे सफल भेल, मुदा ओता कुनु तरहक साजिश नहि रचल गेल छल। कमसे कम हम सभ कुनु साजिशमे शामिल नहि छलहुँ। 

आगा ओ कहलनि कि सीबीआई कुन सबूत दाखिल कएलनि, एखन नहि देखलहुँ। कोर्टक जे भी फैसला होएत स्वीकार करब। कटियार कहलनि कि आब अदालत मे ट्रायल चलत। यदि राम जन्मभूमि के मामले मे जेल जाए  पड़ल तेँ ख़ुशी - ख़ुशी जेल जेबाक लेल तैयार छी। अयोध्यामे राम मंदिर निर्माणक काज पूरा हुवे, ऐहिक लेल कुनु भी बलिदान देबाक लेल तैयार छी।