विजयोत्सव कार्यक्रम मे शामिल होयबाक लेल देल जे रहल अछि निमंत्रण - मिथिला दैनिक

Breaking

सोमवार, 17 अप्रैल 2017

विजयोत्सव कार्यक्रम मे शामिल होयबाक लेल देल जे रहल अछि निमंत्रण

सहरसा। 17 अप्रैल। केंद्रीय गृह मंत्री राजनाथ सिंह आगामी 23 अप्रैल दिन  वीर कुंवर सिंह केँ प्रतिमा अनावरण सह विजयोत्सव समारोह मे शामिल होयबाक लेल सहरसा पहुंच रहल छथि। गृहमंत्री के अलावा कैको केन्द्रीय मंत्री, भाजपा प्रदेश अध्यक्ष, पूर्व उपमुख्यमंत्री सुशील कुमार मोदी, विपक्ष के नेता प्रेम कुमार व अनेक सांसद सेहो समारोह मे भाग लेबाक लेल पहुंच रहल छथि। 

हुनकर आगमन केर तैयारी लेल भाजपा के पूर्व विधायक डॉ आलोक रंजन कैल्ह रवि दिन कहरा मंडल के मुरली, बसुदेवा, भुशवर, रहुआ, तुलसियाही, नरियार, रजौड़ा, बलहा, गढ़िया, देवना सहित दर्जनों गाम मे  जनसंपर्क करि लोग सभके  कार्यक्रम मे शामिल होयबाक लेल निमंत्रण देलनि। पूर्व विधायक डॉ आलोक रंजन लोग सभके प्रतिमा अनावरण के संगहि स्थानीय पटेल मैदान मे आयोजित होमै बला विजयोत्सव समारोह मे भाग लेबाक अपील केलनि। 

एहि मौका पर मुन्ना सिंह, भगवानजी, बंटू सिंह, पप्पू चौधरी, प्रो. रणवीर झा उर्फ फुल बाबू , राजेश दास, अयोधी मुखिया, ललन तांती, संजय मुखिया, ददन मेहता, अनिल चौधरी, गुलाब झा, रणजीत राजा, इंदु साह, भूषण साह सहित पार्टी के बहुत रास कार्यकर्ता मौजूद छला।