डाक कर्मि सभक हड़ताल सँ डाक घरमे लटकल रहल ताला - मिथिला दैनिक

Breaking

गुरुवार, 16 मार्च 2017

डाक कर्मि सभक हड़ताल सँ डाक घरमे लटकल रहल ताला

सुपौल। 16 मार्च। घोषित कार्यक्रम के अनुसार आय गुरूवार दिन सभ डाकघर कर्मी एक दिवसीय हड़ताल पर रहला। जहिसे जिलाक प्रधान डाकघर समेत उप डाकघर व ग्रामीण डाकघर शाखा मे काज पूर्ण रूप सँ ठप रहल। 

केन्द्रीय नेतृत्व केर आह्वान पर अपन विभिन्न मांग सभक समर्थन मे अखिल भारतीय डाक कर्मचारी संघ के बैनर तर प्रधान डाकघर के सामने प्रदर्शन करैत डाक कर्मि सभक कहब छल कि बेर - बेर आश्वासन केर  उपरांत सरकार हुनका लोकनिक बीस सूत्री मांग के नजर अंदाज करैत आबि रहल अछि। प्रदर्शन करैत डाक कर्मि कहलनि कि मकान किराया बढ़ोतरी, यात्रा भत्ता मे बढ़ोतरी, पुरान पेंशन लागू समेत बीस सूत्री मांगके सरकार जल्द सँ जल्द लागू करैथ।