आलू लादल ट्रक से 2100 पाउच देसी शराब बरामद, 2 गिरफ्तार - मिथिला दैनिक

Breaking

सोमवार, 20 फ़रवरी 2017

आलू लादल ट्रक से 2100 पाउच देसी शराब बरामद, 2 गिरफ्तार

पटना। 20 फरवरी। बिहार मे शराबबंदी कानून लागू होयबाक बावजूद शराब भेटबाक सिलसिला रुकबाक नाम नहि ल' रहल अछि। ताजा मामला पटना सिटी के मलसलामी थाना क्षेत्र के झिझरी बाग इलाके मे सामना आयल अछि। शराब तस्करी के तरीका एहेन छल कि पुलिस सेहो चौक गेलनि। तस्कर शराब क' एक आलू लादल मिनी ट्रक मे नुका लाबैत छल। शराबक पाउच क' आलूक बोड़ा के बीच नुकाओल गेल छल। ताकि किनको भनक नहि लागैन्ह।

दरअसल पुलिस क' एक गुप्त सूचना भेटल छल कि तस्कर शराब के बड़का  खेप झारखंड से आनि रहल छैथ। जाहि पर कार्रवाई करैत पुलिस छापामारी के अंजाम देलन्हि। छापामारी के दौरान ट्रक से झारखंड निर्मित 2100 पाउच शराब बरामद भेल। एहि प्रकरण मे 2 लोग के सेहो गिरफ्तार कायल गेलन्हि।

पुलिस सूत्र केर मुताबिक पुलिस आलू के 9 बोड़ा से कुल 2100 शराबक पाउच बरामद केलन्हि अछि। ओतहि पुलिस एहि मामला मे गिरफ्तार लोग सभसे पूछताछ क' रहल अछि। जाहिक आधार पर आगू कार्रवाई कायल जायत।