तेजाब कांड मे RJD नेता शहाबुद्दीन केर बढ़ल मुसीबत, गवाह हत्या मामला मे आरोप तय - मिथिला दैनिक

Breaking

शुक्रवार, 6 जनवरी 2017

तेजाब कांड मे RJD नेता शहाबुद्दीन केर बढ़ल मुसीबत, गवाह हत्या मामला मे आरोप तय

सीवान। 06 जनवरी। एक बेर फेर सिवान के पूर्व बाहुबली सांसद शहाबुद्दीन केर मुसीबत बढ़ैत नजर आइब रहल अछि। सीवान मंडल कारा मे चैल रहल विशेष न्यायालय केर विशेष सत्र न्यायधीश विनोद कुमार शुक्ल केर अदालत सीवान के बहुचर्चित तेजाब कांड के चश्मदीद गवाह राजीव रौशन केर हत्या मामला मे आरोप गठन क' देलन्हि।

न्यायालय भादवि धारा 302 व 120बी केर अन्तर्गत पूर्व सांसद मोहम्मद शहाबुद्दीन पर आरोप गठन केलन्हि अछि। जाहि कारण आब शहाबुद्दीन केर मुसीबत बढ़ैत नजर आइब रहल अछि। दरअसल, एहि मामला मे शहाबुद्दीन क' पटना हाईकोर्ट से जमानत भेट गेल छल। मुदा बाद मे सुप्रीम कोर्ट जमानत रद्द क' देलन्हि। ओहिके बाद से शहाबुद्दीन केर खिलाफ सभ मामला मे फेरसँ ट्रायल शुरू भेल अछि। 

गौरतलब अछि कि तेजाब काण्ड मे 2 सहोदर भाई क' तेजाब से नहा हत्या क' देल गेल छल। एहि मामला मे शहाबुद्दीन मुख्य आरोपी छैथ। ओहिक बाद कांड के गवाह के सेहो हत्या भ' गेल छल। एहि मामला मे पूर्व सांसद शहाबुद्दीन पर आरोप गठन कायल गेल अछि। ओतहि, सीवान जेल म' बनल स्पेशल कोर्ट मे राजीव रौशन हत्या मामला मे आरोप गठन के बाद 19 जनवरी क' अगला सुनवाई होयत।