जल्दे शुरू होमै बला अछि 'कोक शताब्दी', 'पेप्सी राजधानी' - मिथिला दैनिक

Breaking

सोमवार, 9 जनवरी 2017

जल्दे शुरू होमै बला अछि 'कोक शताब्दी', 'पेप्सी राजधानी'

नई दिल्ली। 09 जनवरी। अगला बेर जखन अपने 'पेप्सी राजधानी' वा  'कोक शताब्दी' मे सफर करब तेँ ई एक सरप्राइज होयत। यात्री किराया या माल भाड़ा रेट क' बिना बढेना रेलवे रेवन्यू बढेबाक कोशिश मे लागल अछि। रेलवे के नवा प्लान ट्रेन आर स्टेशन क' ब्रैंड केर नाम देबाक अछि। जाहिक तहत ट्रेन या स्टेशन के आगू ओहि ब्रैंड के नाम जुड़त जे ब्रैंड ओहिक लेल पाई छुकाओत। ई प्रपोजल पूर्ण रुपे तैयार अछि आर अगला सप्ताह होय बला रेलवे बोर्ड केर मीटिंग मे एहिके पारित करबाक अनुमान अछि।

एहि प्रपोजल केर तहत कुनु भी ब्रैंड या कंपनी कुनू ट्रेन के पूरा मीडिया राइट्स किन सकैत अछि। ऐहिक बाद ओ ट्रेनक बोगि सभक भीतर आर बाहर अप्पन प्रचार करबाक लेल स्वतंत्र होयत। एक वरिष्ठ अधिकारी कहला की 'रेलवे ऐडवर्टाइजमेंट राइट्स क' एक-एक करि बेचबाक प्लान बना रहल अछि आर आब रेलवे पूरा ट्रेन केर मीडिया राइट्स देबाक लेल तैयार अछि।'