कहियो बिहार मे भेल छला गिरफ्तार, आब छैथ कनाडा के मंत्री - मिथिला दैनिक

Breaking

शनिवार, 7 जनवरी 2017

कहियो बिहार मे भेल छला गिरफ्तार, आब छैथ कनाडा के मंत्री

नई दिल्ली। 07 जनवरी। कनाडा के मंत्री अमरजीत सोही 9 से 12 जनवरी के बीच वाइब्रेंट गुजरात समिट मे हिस्सा लेबा आइब रहल छैथ। खास बात ई अछि कि कहियो भारत मे पुलिस हुनका खालिस्तान केर आतंकवादी कहैत छल। सोही पर नक्सलि आर लिट्टे सँ संबंध होयबाक आरोप सेहो लागल छल।

पंजाब के संगरूर जिला से जुड़ल सोही बरख 1981 मे कनाडा शिफ्ट भ' गेल छला आर 1988 मे भूमि अधिकार पर एक थियेटर प्रोग्राम मे हिस्सा लेबे बिहार आयल छला। ओहि समय हुनका टाडा के तहत गिरफ्तार क' लेल गेल छलैन्ह। सोही करीब 21 माह तक कैद मे रहला। अंतरराष्ट्रीय संगठन सभ हुनकर रिहाई लेल आवाज उठौलन्हि। ओनाकि, हुनका  खिलाफ कहियो औपचारिक तौर पर चार्ज नहि दाखिल भेल। 

बाद मे सबूत सभक अभाव मे सोही बरी भ' गेला। गौरतलब अछि कि कनाडा मे बस ड्राइवर के रूप मे अप्पन जिंदगी शुरू करै बला सोही बाद मे ओताकेँ सिटी काउंसलर चुनल गेला। दोबारा मतगणना मे महज 92 मत से एक मंत्री क' हरा ओ संसद केर चुनाव जीतला। ओ 2013 मे सेहो भारत आयल छलाह। एहिबेर एक अहम व्यापारिक प्रतिनिधिमंडल केर अगुवाई क' रहल सोही दिल्ली, अहमदाबाद आर मुंबई औता। अपने के बता दी  कनाडा मे 4 सिख मंत्री अछि, जाहिमे रक्षा मंत्री हरजीत सज्जन सेहो जल्दे भारत आबै बला छैथ।