नोटबंदी केर खिलाफ सड़क पर उतरल पप्पू यादव, ट्रेनक रफ्तार पर लागल ब्रेक - मिथिला दैनिक

Breaking

मंगलवार, 20 दिसंबर 2016

नोटबंदी केर खिलाफ सड़क पर उतरल पप्पू यादव, ट्रेनक रफ्तार पर लागल ब्रेक

पटना। 20 दिसम्बर। केंद्र सरकार के नोटबंदी केर खिलाफ सांसद राजेश रंजन उर्फ पप्पू यादव केर जन अधिकार पार्टी आय मंगलवार दिन बिहार मे रेल चक्का जाम केलन्हि, जाहिक मिलल - जुलल असर देखबाक लेल भेटल।

राज्य भरिमे कैको रेलवे स्टेशन पर जन अधिकार पार्टी केर कार्यकर्ता रेलवे पटरी पर उतैर रेलक परिचालन बाधित केलन्हि। सांसद पप्पू यादव खुद कार्यकर्ता सभक संग पटना के राजेंद्र नगर टर्मिनल पर रेल रोकी नोटबंदी केर विरोध केलन्हि। कार्यकर्ता सभ राजेंद्र नगर टर्मिनल पर अप आर डाउन लाइन पर चैल रहल रेलगाड़ि सभक परिचालन बाधित केलन्हि। 

जन अधिकार पार्टी के कार्यकर्ता सभ आरा स्टेशन पर डाउन लाइन पर आइब रहल  बक्सर-पटना शटल ट्रेन क' आधा घंटा धरी रोकलन्हि, जखनकि गया के गुरारू स्टेशन पर गया-मुगलसराय पैसेंजर ट्रेन केर परिचालन बाधित केलन्हि। एहि दौरान बंद समर्थक सभ सरकार केर  खिलाफ खूब नाराबाजी केलन्हि। 

पटना के बाढ़ स्टेशन पर जाप के समर्थक व कार्यकर्ता सभ खूब प्रदर्शन केलन्हि। ओ सभ साहेबगंज इंटरसिटी एक्सप्रेस आर टाटा-दानापुर एक्सप्रेस क' करीब 40 मिनट तक रोकलन्हि। 

सांसद पप्पू यादव कहलनि कि नोटबंदी केर खिलाफ आब आरपार केँ लड़ाई होयत। केंद्र सरकार बेनामी संपत्ति केर सेहो पता लगबे आर जांच करबे। बंद क' सफल बतबैत पप्पू यादव कहला कि कैको स्टेशन पर आम जनता नोटबंदी केर विरोध म' उतरल छैथ।