कानपुर रेल हादसा : एखन धरी 128 केर मौत, 58 शव केर शिनाख्त भेल - मिथिला दैनिक

Breaking

सोमवार, 21 नवंबर 2016

कानपुर रेल हादसा : एखन धरी 128 केर मौत, 58 शव केर शिनाख्त भेल

पटना। 21 नवम्बर। कानपुर ट्रेन हादसा म' मृतक केर संख्या लगातार बढ़ी रहल अछि। एहि हादसा म' मृतक केर संख्या 128 पहुंच चुकल अछि। कानपुर देहात के एसपी प्रभाकर चौधरी एहि मौतक पुष्टि केलन्हि। एखन धरी 58 शव केर पहचान भ' चुकल अछि। 32 शव क' अटॉप्सी के बाद अंतिम संस्कार लेल परिजन सभ क' सौंप देल गेल अछि। राति 8 बजे रेल मंत्री सुरेश प्रभु पोस्टमॉर्टम हाउस पहुँच ओतुका दृश्य देखि बाहरे सँ लौट गेलाह।

एक नज़री एम्हरो - कानपुर रेल हादसा स' ऑनलाइन टिकट बुक करनिहार सबक सीखी, मात्र 1 टक्का म' होयत अछि 10 लाखक बीमा

अज्ञात शव सभक पहचान के लेल रेलवे सभ शव केँ डीएनए सैंपल लेबाक  फैसला केना अछि। रेल मंत्री पटना से एहि काजक लेल विशेष तौर पर बजाओल गेल टीम सँ बात केलन्हि। कानपुर देहात के पोस्टमॉर्टम हाउस म' कैल्ह रविवार सांझ पहुँचल रेल मंत्री सुरेश प्रभु सँ एक पीड़ित परिजन  बात करबाक कोशिश केलन्हि। ओ प्रभु क' अप्पन बात सुनेबाक लेल कने तेज आवाज म' बाजलाह, लेकिन सुरेश प्रभु आगा बढ़ैत चल देला। प्रभु के संग चली रहल रेलवे अफसर आर आरपीएफ जवान हुनकर चहुओर सँ सुरक्षा घेरा बना किनको हुनका तक पहुंचे नहि देलन्हि।


एहि मृतक सभक शिनाख्त भ' चुकल अछि : - असलम खान - शाहजहांपुर, उमाशंकर - चंदौली, पातीराम - उज्जैन, अमित गुप्ता - कानपुर, रत्निका सिंह - सीवान, शांति देवी - इंदौर, जितेश - भोपाल, हृदय नारायण - बहराइच, अनिल किशोर - रोहतास, रामेश्वर प्रजापति -ग्वालियर, रंजन कुमार - पटना, अमित भाकनी - ग्वालियर, लखन सिंह -बाऊपुर, ज्योति बी भारती - बलिया, मोनू कुमार - आजमगढ़, अरुण आडवाणी - नागपुर, गोविंद हरि गौड़ - कानपुर, बृजमोहन दास - इंदौर, आशीष शर्मा - ललितपुर, माजिद अहमद - चंपारण, राजकली - इंदौर, शकुंतला - कानपुर, सिलवटी - इलाहाबाद, प्रभु नारायण सिंह - आर्मी, सती प्रसाद - कानपुर, पूनम तिवारी - जौनपुर, राधेश्याम - आजमगढ़, जगमोहन दास गुजराती - इंदौर, अजय सिंह - इंदौर, रजनी सिंह - भोपाल, संजय सिन्हा - वाराणसी, नरेंद्र कुमार सिन्हा - पटना सिटी, शत्रुघ्न सिंह -देवास।