छठ पूजा लेल प्रसाशन सुस्त, नहि भ' रहल अछि पोखैर सभक सफाई - मिथिला दैनिक

Breaking

बुधवार, 26 अक्तूबर 2016

छठ पूजा लेल प्रसाशन सुस्त, नहि भ' रहल अछि पोखैर सभक सफाई

सहरसा। 26 अक्टूबर। दशहरा बितैते लोग दीपावली आर छठ पूजा केर तैयारी म' भीर जायत छैथ। हर बरख छठ पाबनि के मौका पर जिला प्रशासन सहित आम लोकनि पोखैर म' पैन भरबाक लेल परेशान रहैत छल। मुदा एहि बेर उल्टा अछि। एहि बेर भेल मूसलाधार बारिश शहर म' बाढ़िक स्थिति पैदा क' देना छल। एखन पोखैर के हालत एहेन अछि कि सभ पोखैर पैन सँ लबालब भरल अछि। छठ घाट केँ साफ-सफाई करबाक काज किछ पोखैर पर शुरू भ' गेल अछि। मुदा शहर के अधिकांश पोखैर  केर स्थिति नारकीय बनल अछि। पहिने कम पैन रहला पर लोग सभ क' डुबबाक डर नहि रहैत छलैन्ह। एहि बेर पोखैर के हर सीढी पैन सँ लबालब भरा अछि।

शहर के गांधी पथ, न्यू कोलोनी, सुपर बाजार, बनगाँव रोड मसोमात पोखर कायस्थ टोला, पूरब बाजार, सराही, डुमरैल, पॉलिटेकनिक स्थित पोखैर केर हालत बदत्तर बनल अछि। पोखैर म' कूड़ा - करकट केर अम्बार लागल अछि। जाहिके देखनिहार कियो नहि अछि। ऐहिक अलावा मत्स्यगंधा झील तेँ जंगल केर रूप ल' लेना अछि।