0
पटना। 29 अक्टूबर। बहुचर्चित गया रोडरेज मामले केर आरोपी रॉकी यादव ADJ-9 केर कोर्ट म' सरेंडर केलन्हि। शुक्रवार दिन सुप्रीम कोर्ट द्वारा तत्काल गिरफ्तार करबाक आदेश देलाक बाद सँ रॉकी अप्पन घर सँ फ़रार भ' गेल छलाह। गया पुलिस दिस सँ हुनक गिरफ्तारी लेल घर घर केँ तलाशी भेल, मुदा ओ हाथ नहि लागला। आय शनिवार दिन भोर इ ख़बर आयल छल की रॉकी आय कुनु भी समय समर्पण क' सकैत छैथ। एहि बिच आय रॉकी यादव गया के ADJ -9 कोर्ट म' सरेंडर केलन्हि, जाहि ठाम सँ हुनका जेल भेज देल गेलन्हि।

एहि मामला मेँ रॉकी केर कहब छैन्ह कि हमरा फसाओल जे रहल अछि। एहि मामला सँ हम्मर कुनु लेनाइ - देनाइ नहि अछि। ]

एहि सँ पहिने,शुक्रवार दिन रॉकी के वकील  कोर्ट म' आवेदन देना छल। जहिना ओ गया पहुंचता कोर्ट म' सरेंडर करता।

सूत्र सभक अनुसार एहि बातक एहो चर्चा गरम अछि कि रॉकी क' गिरफ्तार कायल गेल अछि, लेकिन पुलिस गिरफ़्तारी केँ बात सँ साफ़ इंकार क' रहल अछि।

राकेश रंजन उर्फ रॉकी केँ जमानत क' सुप्रीम कोर्ट शुक्रवार क' रद्द क' देना छल। रॉकी जदयू केर निष्कासित एमएलसी मनोरमा देवी केँ पुत्र छैथ। सुप्रीम कोर्ट द्वारा हुनकर जमानत रद्द करबाक बादो ओ सरेंडर नहि केलन्हि। अपने के बता दी कि पटना हाईकोर्ट सँ एहि मामला म' हुनका जमानत भेट गेल छल। जाहि जमानत केर खिलाफ बिहार सरकार सुप्रीम कोर्ट म' अपील केना छल।

जाहि पर शुक्रवार दिन सुनवाई करैत सुप्रीम कोर्ट जमानत रद्द क' देना छल।

ओतहि  एमएलसी मनोरमा देवी सेहो शुक्रवार दिन गया केँ एसएसपी गरिमा मल्लिक सँ मुलाकात केलन्हि। पत्रकार सभ सँ बातचीत के दौरान एमएलसी कहलनि कि हुनकर पुत्र न्यायालय केर आदेश केँ सम्मान करैत छैथ आर ओ खुद न्यायालय म' आत्मसमर्पण क' देता। मनोरमा देवी  एसएसपी सँ अप्पन सुरक्षा केँ सिलसिला म' भेंट करे आयल छली। 

मिथिला दैनिक क' समाचार ईमेल द्वारा प्राप्त करि :

Delivered by Mithila Dainik

मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।

 
#zbwid-2f8a1035