सहरसा : शंकर चौक पर मुख्यमंत्री केँ पुतला जलाओल गेल - मिथिला दैनिक

Breaking

शनिवार, 6 अगस्त 2016

सहरसा : शंकर चौक पर मुख्यमंत्री केँ पुतला जलाओल गेल

सहरसा। 6 अगस्त। पटना म' दलित छात्र सभ पर बर्बरतापूर्वक भेल  पुलिस लाठीचार्ज केँ विरोध मेँ कैल्ह शुक्रवार दिन भाजपा कार्यकर्ता सभ द्वारा शंकर चौक पर मुख्यमंत्री केँ पुतला जलाओल गेल, संगहि सरकार केर विरोध म' नारेबाजी सेहो कायल गेल। जिलाध्यक्ष मदन प्रसाद चौधरी केर अध्यक्षता म' लोग सभ केँ संबोधित करैत भाजपा नेतागण कहला कि नीतीश लालू सरकार दलित विरोधी अछि, अप्पन जायज मांग केर समर्थन मेँ प्रदर्शन क' रहल  छात्र सभ पर जेहि प्रकारे हमला कायल गेल, ई लोकतंत्रक लेल अपमान थीक। नेतागण एहि घटना केर जिम्मेवारी कबूल करैत मुख्यमंत्री सँ इस्तीफा केँ मांग केलनि।

एहि दरमियान मैका  पर पूर्व जिलाध्यक्ष राजीव रंजन, उपाध्यक्ष दिवाकर सिंह, शशिशेखर सम्राट, विनय झा, महामंत्री नवीन पांडेय, श्रीकृष्ण झा, संजीव कुंवर, मनोज यादव, मीडिया प्रभारी शिवभूषण सिंह, फूल झा, राजीव रंजन साह, विजय गुप्ता, नवनीत सिंह, कुश मोदी, विपीन प्रकाश, प्रवीण सिंह, रंजीत चौधरी, भैरव झा, संतोष गुप्ता, शक्तिगुप्ता, पंकज कुमार सभ मौजूद छलाह।