नगर निगम दरभंगा केर खिलाफ प्रदर्शन क' रहल MSU कार्यकर्त्ता गिरफ्तार - मिथिला दैनिक

Breaking

शनिवार, 9 जुलाई 2016

नगर निगम दरभंगा केर खिलाफ प्रदर्शन क' रहल MSU कार्यकर्त्ता गिरफ्तार

दरभंगा। 9 जुलाई। नगर निगम दरभंगा केर खिलाफ मिथिला स्टूडेंट यूनियन द्वारा नगर निगम परिसर म' प्रदर्शन कायल गेल। प्रदर्शन   करबाक दैरान प्रदशन क' रहल मिथिला स्टूडेंट यूनियन केर कार्यकर्त्ता सभ  क'  पुलिस  गिरफ्तार क' लेना अछि।

अपने क' बता दी विगत 25 जून क' मिथिला स्टूडेंट यूनियन केर कार्यकर्त्ता सभ नगर निगम परिसर म' नगर निगम के दरभंगा शहरक प्रति खराब  रवैया केर खिलाफ 9 सूत्री मांग  ल'के एक दिवसीय धरना प्रदर्शन कायल गेल छल। जाहि में बात करबाक लेल नगर निगम केर कुनु  प्रतिनिधि या कर्मचारी नै आयल छल, जाहि के बाद यूनियन द्वारा नगर निगम क' 15 दिनक समय दैत कहल गेल की यदि 15 दिनक भीतर यूनियन केर 9 सूत्री मांग पर कारवाई नै कायल जायत ते नगर निगम कार्यालय के समक्ष शहर के सभ चौक-चौराहा सँ कूड़ा - कचरा एकत्रित क' राखल जायत।

धरना के 15 दिन बीत गेलाक बादो नगम निगम द्वारा कुनु डेग नै उठाओल गेल जाहि केर खिलाफ मिथिला स्टूडेंट यूनियन द्वारा नगर निगम परिसर म' आय प्रदर्शन कायल गेल छल। पुलिस द्वारा मिथिला स्टूडेंट यूनियन केर कार्यकर्त्ता सभ क' गिरफ्तारी करबाक घटना केर सगर सोशल मिडिया पर निंदा भ' रहल अछि।