समाज के जागरूक करे में लागल एक एसपी - मिथिला दैनिक

Breaking

बुधवार, 29 जून 2016

समाज के जागरूक करे में लागल एक एसपी





एहन नै जे बिहार सरकार ही शराबबंदी आ नशा मुक्त समाजक निर्माण में आम आदमी के जागरूक क रहल अछि  बिहार में व्यक्तिगत स्तर पर सेहो लोग सब नशामुक्त समाज के लेल काज क' रहल छैथ  एही कड़ी में एक नाम पूर्णिया जिलाक पुलिस अधीक्षक निशांत कुमार तिवारी सेहो छैथ । विगत कीच दिन स' ओ पुलिस कप्तानी के साथ - साथ एही मुहीम क'सेहो हिस्सा बनल छैथ 


आम आदमीक साथ झांकी निकैल रहल छैथ एसपी

पश्चिम बंगाल आ  पूर्वोतर राज्य सब स सटल पूर्णियाक' सीमा नेपाल सs सेहो लागल अछि । एहन में पुलिस प्रशासन के एहीठाम हमेशा मुस्तैद रहए पड़ैत अछि ।
जखन  देश-विदेश में 'अंतर्राष्ट्रीय मादक द्रव्य निषेध (नशा मुक्ति) दिवस' मनायल जा रहल छल , ओहि समय पुलिस अधीक्षक निशांत आम आदमीक साथ मिलक नशामुक्त समाज के लेल शहर में झांकी निकलला ।
स्कूलों में प्रतियोगिता सेहो  आयोजित करैत छैथ निशांत

निशांत झांकी के अलावा शहर के कॉलेज सब में वाद-विवाद प्रतियोगिता, स्कूलों में पेंटिंग प्रदर्शनी, मेडिकल कैम्प आदि सेहो आयोजित करवा रहल छैथ । एही सs पूर्व कतेको मौका पर निशांत लोक सब के नशा मुक्त समाज के निर्माण के लक जागरूक करैत रहैत छैथ ।

तिवारी कहला , "नशामुक्त समाजक निर्माण लेल हमरा सब गोटे के आगा आबे पडत । नशा परिवार के तोड़ैत अछि , नशा समाज के दूषित करैत अछि । एहन में हमरा सबहक दायित्व अछि जे समाज के नशामुक्त करे में अपन - अपन स्तर पर काज करी । सरकार एही मुहिम में हमर सबहक सहायता क रहल अछि ।"